في حضرتك *** أحمد شادول

هذا الرجل تطربني كلماته الحلوة والسهلة ومفرداته المعبرة -- انه الدكتور أحمد فرح شادول

نقف معه في قصيدة من قصائده الكثيرة الجميلة انها قصيدة

في حضرتك _______________

في حضرتك تتبدل اللغة والحروف

والدنيا تلبس انبهار اللهفة والوله الشفوف
وأنا يا جميل ماليني خوف
أصلو الزمن عودنا ما نتهنى بي حلو الظروف
لكني بيك بزرع مساحات الفرح
وأزحم خواطر الناس طيوف
ويفضل هواك نور الزمان
في دنيا ما بتعرف كسوف
تهمس بشايرك للصباح سر فتنتك
توشيها للنيل والجروف
وتفتح أكمام الزهور
بينن خبر جيتك يطوف
لي غناك في دنيا الجمال يتسابقوا الشوق والحروف
وأنا كلي أوتار لي هواك والدنيا تعزف والمزامير والدفوف
وأنا والزمن نحيا ونشوف
نحيا ونشوف
نحيا ونشوف ____________________________________________________________________

وانتوا ياحبايب شريف ان شاء الله تحيوا وتشوفوا كل حلو وكل جميل

وأقعدوا عافية

تسلم يا جنرال
ومشكووور ع الاغنية

بالمناسبة دي قصيدة ما في زول غناها وهذا الشاعر أنا مشترك في قروب المعجبين بيهو وهو من الشعراء

الغنو ليهو كتير من الفنانين آخرهم عاصم البنا وبتمنى انو شريف يخش ويشوف زي الروايع دي ويغنيها
شكرآ على مرورك المميز دائمآ

» من ديوان خريف الرجعة للدكتور أحمد شادول
» اتفضل حب ** دكتور شادول
» حسن الزبير والدكتور شادول في ان شاء الله القيامة تقوم