موسوعة الشعر الحلمنتـــــــــــــــــــــــــــــــــــــــــيشـــــــــــــــــــــــــــــــــــي

فقط لجمال الكلمه وصدق الفكره وعمق المضمون وحلاوة الالفاظ فى الشعر الحلمنتيشى ..

فكرت فى طرح هذا البوست ... وهو عباره عن تجميع لكثير من القصائد الحلمنتيشيه الجميله ..

التى اتمنى ان تنال وتستحوز على جزء من رضكم

كل الشكر وخالص التحايا الى هيئة حلمنتيش العليا

((الغنيّه عن التعريف ))

ونبدا مشوار الضحك والفرفشه مع اولى القصائد وهى بعنوان:

نـــــــــــــــــــــــــدى

قلتي ليّ سموك ندى!؟!

وده منو السمّاك ندى؟

ده أكيد أبوك

إنعل كِدة!

فيك شنو يسمّك ندى!؟

في صوتك أتخن مننا

إضنين كُبار زي دِشّنا

وتقولي ليّ سمّاك ندى!

خشمك ده ريحتو معفّنة

ايدين كبار حقات بُنى

وتقولي لي سمّاك ندى!؟

المشية كتّاحة وعلال

كرشك تقول شايل جَنى

وتقولي لي سمّاك ندى!؟

قالت لي "ها هدى في البطاقة إسمي ندى"

شوف يا أخ..

مافيش علاقة بينك وبين ندى

خلّيها ندى ..

خالت قريبة جارت صديقة ناس ندى

ما فيش علاقة

ندى في العيون أكحل مجعّد مسوّدة

انتي العيون فوقن قضى

ندى في الحواجب زي هلال

قصة نصوم دي مؤكدة!

انتي الحواجب دلجة بس

قلم الحواجب هاردها

وتقولي لي سمّاك ندى!؟

ندى تبتسم آلالاف مؤلفة تسعدها

وانتي الخشم شارّة التلاليش

بس طبق ومغطّي صينية الغدا

ندى في الوشيش نظرك بشيش..

ما يعقّدها

وانتي الوشيش وش الجحيش

نخرين كُبار كُرعين ردا

وتقولي سمّاك ندى!

قاتلي "آي أنا إسمي ندى"

شوفي أوعك تقولي اسمك ندى

ندى ما بس الاسم

ندى الجمال زايد الأدب زايد العلم زايد الفهم

ندى في الجمال ما شُفنا أجمل من كِده

ندى في الدلال خصّاها بيو رب العباد حين أوجدها

ندى في الأدب ..

ربّوها بيو رجال ياكلو النار مولّعة موقدة

ندى في الكلام

طبيعي صوتا بيجيب صدى

ندى في "البزاغ" ..

شربتي "سفن أب" ياهو ده !

وتقولي لي سمّاك ندى!

هههههههههههههههه

والله مسكينة ندى دي اللي ما تستاهل اسم ندى
بس حرااااام نبزتوها كتيير

هههههههههههه
والله صحي مسكينة
مسحتو بيها الارض

[ندعوك للتسجيل في المنتدى أو التعريف بنفسك لمعاينة هذه الصورة]

واحدة زي ندى دي ياعاشق ويانزار زميلة ودعمتي في الجامعة ولاحظوا درست معاهو تربية رياضية يعني عضلات

قباحة تحنن العدو وودعمتي دا راجل طيب فما لقت غيرو بقت ليهو في العزيزة طوالي شغاله ليهو باك وطوالي بتتونس معاهو وهو صابر عليها بس لكن جايبة ليهو الهم -- المهم يوم لقتو ماسك ليهو سيجارة وهي عارفه انو مابدخن ولا بسف
ولا أي حاجة فقامت قالت ليهو أجي يافلان متين بقيت بدخن --- عاين فيها قوي وقال ليها ما أدخن انت والله حقو تدخني
وتسفي وتسبي الدين هاهاهاهاهاها -- كمان ندى بعد القالو فيها دا يمين أنا كان منها كان أسكر

تسلم عاشق الفحيل وكتر من الحاجات دي

» أكبر وأجمل موسوعة رسائل لعيد الأضحى 2010
» معبد طريق الشعر العربي