شعر حلمنتيشي :برلومة كرت

برلومة كرت

نفسي أحب برلومة كرت أول شرط

ما بتمسح كريم

ولا ديانا

لا فير

ولا توب جير

ولا أي شئ

والشروط كتار

لا بتسمع غنا

لا راجل المرا

ولا هوي يا ابشرا

بس بالكتير ألم الفراق ..

ولا بتحب تخلط كمان

ولا بتريد الغنا

برلومة تكره

نانسي وروبي ومروه وهيفا وهبي اليسا ويارا وجينيفر وشيرين احمد وشيرين وجدي ومنه فضالي ومنه شلبي ونيللي كريم ونجلاء فتحي ونجوي كرم ومشعلاني وناس جواهر وناس حكيم

والمشية تكون بي إحترام

ما تجدع لي يديا ورا وايدا قدام

والاهم من كده .. !!

لا تلبس جينز ولا بلوزة ضيقة مشرشرة

وو

تكون بت رضا

ما تكون بت ...........

يعني باختصار بت حـــــلال

برلومة بتحب الوطن برلومة بتحب جون قرنق

وتكون بتحترم المشاعر و الحنان

وما تجي وفي يوم تقول لي بحبك زي غيث اخوي

يا اخي زي ما قال هناي

يقدر غيث اخوك يقول فيك الشعر القلتو فيك

يقدر يهضرب بيك براهو

يقدر يعد نجم الله كيف لو سهامك صابتو

..

وده مني ليك انا

ان كنتي تعرفي من انا

انا ود الإمام الهادي الفي المشية متهادي ..

وانا

يسلم غيث أخوك الخلا ني ارتاح من كتر العذاب

واضوق الهنا

لا سهر لا دموع ولا قلباً بالشوق يدوق

خلوها بس محن الزمن

نفسي أحب برلومة كرت

ولا شايلها انفاسها

في الحلة كواااااسة

ما من ناس حبيبي مفلس ولو سمعت كلام بتطنش

لا بتنقل كلام من زول ولا بالريده بتونس

لا قلباً خفق بالشوق ولا عاشق هبش راسها

وانا ما في يوم مشيت لي بنات

من نوع شهيرة وشهرزاد

وصرااااااااااااااااااااااااااااااااااااااحة

لو لقيتها بقول ليها

دفترى حابى دفاترك ورايدا

وحلف يعمل الحكايه معانده

وشبشبى حلف ما يمشى خطوه لي قدام

إلا يشوف كعب عاليك ده

وقميصى حابى بلوزتك الحلاتا مورده

وشوفيه من كتر البكاء

كيفن اكمامه بايظه مهرده

وجريونا حابى جريوتكم شدييييد

فى الحله من دون الجريوات رايده

قلتا ليهو شينه ومقرده

حلف يقتنع عمل الحكايه معانده

وانا ذاااتى يا ريحانه يا متفرده

احوالى كعبه منكده

يا ام تحبينى واموت

والروح وراك مستشهده

يا ام تشوكشينى واموت

ووصيتى واحده محدده

قبل الدفن والفاتحه

ديك ما يقروا تشهدا

يكتبوا فى قبرى

بى خط عرييييض

آآآآآآآآآآآآآخ يا انا

حلووووووووووووووة

ثاااانكس

مواصفاتك الصعبة دي موجودة في السودان بس عايزة تعب شوية

لكن والله برلومة ما بتلقاها

تقبل مروري وتحياتي

» شعر حلمنتيشي:في الليلة ديك
» شعر حلمنتيشي:قال بحبك قال.....؟
» من شدة سماحتك (حلمنتيشي)
» باص البنات (حلمنتيشي)
» لما شفتك (حلمنتيشي)