ظرفاء المدينة

في كل مدينة أو قرية من بقاع السودان المختلفة ظرفاء يتميزون بحضور بديتهم وبالنكته الطازجة ان جاز

التعبير --- أعرف منهم الكثيرين وأحفظ لبعضهم شيئآ من نكاتهم أو سخريتهم أردت أن تكون أولى
مشاركاتي بعض فك اعتصامي حتى استجمع قواي لمشاركات قادمة باذن الله
@@@@@@@@@@@@@@@@@@@ عمنا خلف الله الشهير بالعيص دخل بيته ذات يوم في تمام الساعة الثانية ظهرآ ولم يكن في البيت أحد من الأسرة -- لكنه وجد
غنماية أكلت كل الكسرة وشربت الملاح وأكلت السلطة فأمسك بها وربطها داخل أحد غرف البيت -- فعندما جاءت زوجته تعجبت
من وجود الغنماية مربوطة داخل البيت فسألته فقال لها المبروكة اتغدت تمااااااااام وراجياك تسوي ليها شاي وعلي الطلااااااق كان
تسوي ليها --- وسوت المرا الشاي وكبوهو في صحن والغنماية شربت وفكاها طلعت وسط ضحك زوجته وأولاده -- ودي
طرفة حقيقية من طرائفه الكثيرة
################ أما عمنا يعقوب فهو رجل لا يكاد يتحدث جاااادآ الا ويضحك من يسمعه أو على الأقل يبتسم -- ففي يوم جاءه وفد من اللجان
الشعبيه ليتبرع لهم بمبلغ من المال لانشاء سور لمقابر البلد --- فصمت قليلآ ثم رفع رأسه وقال لهم -- انتوا ما عندكم شغلة
تشتغلوها بالله عليكم من الله خلقكم سمعتوا بي ميت قام جاري ***************
$$$$$$$$$$$$$$$$$$$$$$$ ودالكباشي أحد الظرفاء بلدنا المحبوبين --- قدم من الأراضي المقدسة بعد أول مرة يحج فيها بيت الله الحرام
ومن ضمن ما لقنوه له قبل الحج ان الواحد اذا عضته باعوضة وقام بحك جسمه الى أن يتورم أو يخرج الدم فعليه
هدي وقيمة الهدي أربعمائة ريال --- فرأى وهو جالس في سوق بلدنا شخصآ ينكرش بصورة عجيبة فقال للجماعة
وهو يتحدث لهم عن صعوبة مناسك الحج ---- علي الطلاق هناك زي انكراشة الزول دا بألفين ريال
&&&&&&&&&&&&&&&&&&&&&&&&
الى أن ألتقيكم في جولة ثانية من طرائف أهلنا في السودان
أقعدوا عافيه
جنراااااااااااااااااااااااااااااااال

[ندعوك للتسجيل في المنتدى أو التعريف بنفسك لمعاينة هذه الصورة]
ههههههههه

والله يا عمنا ما عرفتا اقيف من الضحك بذات في دي

"بالله عليكم من الله خلقكم سمعتوا بي ميت قام جاري "

تسلم جنرال منتظرين جديدك

هههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

مشكووووووور جنرال والله مواقف رااااااااائعة

هاهاهاهاهاهاها --- شبعتوا ضحك

يلا قولوا لي أستمر في نفس البوست ولا في كل مرة أنزل نكات كموضوع جديد

انا بقول في نفس البوست احسن

بس انت شوف راي باقي الاعضاء

هههههههههههه ياسلام عليك ياجنرال وربنا مايحرمنا من مواضيعك الرائعه.
وانا بقول تواصل في نفس البوست

وانا كمان
بضم صوتي مع الباقيين

في نفس البوست

نواصل اليوم في سرد بعض المواقف والحكايات لظرفاء مدينتنا

@@@@@@@@@@@@@@@ عمنا النيل رجل صوفي متعصب للغاية وهو يتبع للطريقة الختمية لدرجة أن السادة المراغنة في بحري يعملون له ألف حساب وهو في ودالعباس
أشتهر عمنا هذا بكراهيته المفرطة لأنصار السنة عندنا في البلد وآخر عنقوده بنت عمرها تجاوز الآن 18 سنة لكنها وهي صبية صغيرة وجدت
ورقة فئة العشرة جنيهات في الأرض وهي في طريقها من المدرسة للبيت ولأنها تعلم أنها ستجد مساءلة قوية في هذه العشرة جنيه أول ما دخلت
البيت وجدت أبوها (عمنا النيل) في الحوش فقالت له شوف يابا وجدت عشرة جنية واقعة فقال لها أين وجدتيها فقالت بجوار مسجد أنصار السنة
فقال لها شوفيها يمكن مزورة ***********************************************
أما جدي عبدالقادر فهو يتميز بالسخرية المليئة بالنكته الحاضرة -- في واحدة من جلساته مع صديقة عمنا الفاضل العشيبابي

قال له عمنا الفاضل مفتاح الجنة عندنا نحنا العشيباب الدايرن ندخلو بندخلو وما دايرنو مع السلامة أمشي -- جدي قال لي عمنا
الفاضل علي الطلاق الجنة الله كان املاها قصب ما يدخل فيها عشيبابي خلي ايديكم مفتاحها **********88

عمنا أحمد الشهير بجلود أيضآ أشتهر بالبديهة الحاضرة والطرفة وبجوار منزله بتاع دكان أعور بل عندو عين مقفولة تمامآ

وفي يوم وصل عمنا جلود من مدينة سنار الى ودالعباس ومعة جوالين سكر وزن 50 كيلو وتركهم أما دكان الأعور وقال له

خلي بالك من الجوالين ديل لما أرجع فقال له صاحب الدكان الأعور -- حاضر من عيوني الاتنين فهمم جلود بصوت منخفض

اييييييييييييك ضاع شوال

هههههههههههههههه
[ندعوك للتسجيل في المنتدى أو التعريف بنفسك لمعاينة هذه الصورة]

حلوووووة

جارنا ودالكباشي ساهر في حفلة ولما رجع البيت أبوهو رجل صعب ونومو خفيف مانعهم رسمي واحد انط بي فوق الحوش فدقا الباب جاهو أبوهو

دا منو الفي الباب ؟
أنا فلان يابا
وكنت وين لي زي الوقت دا ؟
مشينا عرس فلان
خلاص أرجع أرقد محل كنت
ورجع ودالكباشي وبات اليوم داك بتصرف -- مرت الأيام وفي يوم دق الباب واحد الساعة 12 بالليل فجاء ود الكباشي ليفتح -------
دا منو الفي الباب ؟
أنا أبوك ياولد أفتح
وكنت وين يابا لي زي الوقت دا
ياولد كنت في المداح ديل أفتح كرعي أوجعني
خلاص يابا أرجع أرقد محل كنت ___________________________
وفي يوم جاء لي ودالكباشي خمسة من زملاؤه في فريق الكورة وبيتهم ما فيهو سكر فاحتار كيف سيفعل معهم فهم سيضحكون عليه غدآ في التمرين

لبن شاهي الصباح فسخنة وأضاف عليه شاهي حب وصفاهو ووزعه على ستة كبابي بدون سكر وجاء به الى زملاؤه في الديوان وقال لهم ------
هوووووي السكر قصر والدنيا ليل في كباية مافيها سكر خالص البقع فيها الزم الصبر ويشرب من سكات ولا نشيل باقي الليل دا فيهو ضحك ----
شرب الجميع في صمت خوفآ من أن يضحك الباقين فيه لكنهم اكتشفوا في اليوم التاني أن الكبابي كلها بما فيها كباية ودالكباشي كانت بدون سكر
_________________________________________________ بقي أن أقول أن هذه المواقف حقيقية وقد فعلها ودالكباشي حقيقة وليس قصص تروى

هههههههههههههه
حلوة قصص ود الكبااشي كتر منها

اقتباس :: جارنا ودالكباشي ساهر في حفلة ولما رجع البيت أبوهو رجل صعب ونومو خفيف مانعهم رسمي واحد انط بي فوق الحوش فدقا الباب جاهو أبوهو

دا منو الفي الباب ؟
أنا فلان يابا
وكنت وين لي زي الوقت دا ؟
مشينا عرس فلان
خلاص أرجع أرقد محل كنت
ورجع ودالكباشي وبات اليوم داك بتصرف --

عندي واحد صحبي دا بيحكيها لي طوالي بس ما بقول لي اسمو خلاص عرفتو اسمو
هههههههه
مشكووور وواصل الابداع

وبجد متأسف علي الغياااااااااااب المفاجئ والله
وانا ما عندي غير التأسف شي

مشكل الدنيا تجبرني اخالف وعدي وأتلوم
سامحوني|

ودالكباشي بناقش في واحد من الجماعة عن كرمنا وكرمكم وكان الزول بقول لي ودالكباشي نحنا أكرم منكم

وأثناء النقاش قام الراجل قال لودالكباشي والله احنا ديوان أبوي طول اليوم وطول السنة مفتوح فرد عليه ودالكباشي

بسرعة بديهة عجيبة وقال ليهو

يااخوي يمكن ديوانكم دا ما فيهو باب

ودالكباشي مرة جا السعودية جدييييييد فقاموا الجماعة اتلموا حوله وسألوهو عن الوضع في البلد

قال ليهم عشان ما تسألوا كتير شفتوا الكلب كان عايز ينبح الا ينتكل في حيطة حتى ينبح

قاعدين في الضل البارد دا وما جايبين خبر

هههههههههههههههههههههه
رووووووووووووعة