استاذاتي في المدرسة

انا اليوم كتبت ليكم مواقف او عبارات خرف من طرف استاذاتنا في المدرسة

نبدا بي استاذة الرياضيات :
1 كانت بتشاكل في بت وقالت ليها دي ما حركات بت مسلمة وتشاكل وتشاكل وبعدين رجعت للدرس وطبعا الاستاذة دي بتشرح بعدين بترجع لي نفس موضوع الشكلة يعني ما بتقفل الموضوع بسرعة المهم لمن رجعت للشرح وقالت : نضيف الى محور y هذه الفتاة المسلمة (هي قالتها كانها جملة وحدة يعني قعدت تشرح وبعدين رجعت لموضوع الشكلة ) طبعا نحن ما بنفوت حاجة وقمنا كتبنا الجملة دي .

2- ومرة برضو سالت قالت شنو القطر بالانجليزي انا قلتليها راديوس قامت قالت لي شنو ؟ راديو ؟ وطبعا انا ما قدرت اصحح ليها الخطأ من كترة الضحك وقلت دي شنو الهبلة دي .... المفرووض هي تكون عاارفة .... بس الله يهديها .

3- وبتنطق كلمة sucsses criteria سكسس كرتيريا مع العلم انها سكسس كراتيريا نحن ما بنتمسخر عليها لكن هي لمن تقولها بتقولها بطريقة فلسفة وانها دايرة تورينا انها بتعرف انجليزي وتنطقها غلط ..... عشان مرة تانية تتفلسف .

4- و عبارة a x المفروض هي لمن تنطقها تقول اي اكس لكن من شطارتها بتقول ااا اكس ... خربت الانجليزي .

5- وكلمة مثلث هي بتقولها مثلس ... انا بقول ليها حددي موقفك يا ثاء او سين .... مش تخربي الكلمة كلها .

اما استاذة العربي فهي مصرية
لمن تجي تقول يحلو الاجوبة بتقول يحلم .... طبعا دا بالمصري والمفروض بما انها استاذة عربي تتكلم لغة عربية فصحى


طبعا لسه في حاجات تانية لكن بس ديل اللي انا سجلتهم في الحصص كلهم كاتباهم في ورقة وان شاء الله حعمل دفتر ههههههههههه

انا مرة اتشاكلت مع استاذة الرياضيات دي
انا سالتها سؤال وهي ما فهمت قصدي قامت قالت لي انتي بتفهمي عربي ولا انجليزي
قلتليها حمدالله بفهم الاتنين قامت قالت لي ليه غبية
قلتليها ليه البفهم عربي وانجليزي بيكون غبي
قامت ادتني ليك نظرة لمن عيونها قربت تطلع
وانا برضو ما قصرت قعدت اعاين ليها زي ما بتعاين لي
بعدين لفت وشها و مشت

ياا جماااعة ما تفهموني غلط
ما تفكرو انو انا لئيمة مع الاستاذات او قليلة ادب معاهم

كل اللي في الموضوع انو انا ما بحب الاستاذة تشاكلني من غير سبب لانو دا بنرفزني

و انا بعلق عليهم سااي
وانا بحبهم شديد

والله استاذاتنا حبتين

بالجد انا بحبهم

انا بتمسخر عليهم لاني بحبهم